Қор нарығында доллар қайта қымбаттады
3,51 теңгеге көтеріліп, 479,83 теңгені құрады.
KASE Қазақстан қор биржасының мәліметінше, доллардың орташа бағамы 3,51 теңгеге көтеріліп, 479,83 теңгені құрады, деп хабарлады Almaty-akshamy.kz Egemen.kz сілтеме жасап.
Ресей рублінің орташа бағамы 0,05 теңгеге төмендеп, 8,25 теңгені құрады.
Қытай юанінің орташа бағамы аздап өсіп, 70,96 теңгені (+0,635) құрады.
Еуро бойынша сауда-саттық жүргізілген жоқ. Ұлттық банк еуро бағамын 487,2 теңгеге белгілеген.
Айырбас пункттерінде америкалық долларды 479-484 теңгеден, еуроны – 489-494 теңгеден сатып алады/сатады. Рубль - 7,4-7,9 теңге.
Сонымен қатар мұнайдың әлемдік бағасы 26 шілдеде сауда-саттық барысында өсуде.
Лондондағы ICE Futures биржасында Brent маркалы мұнайдың қыркүйек айындағы фьючерстерінің құны барреліне $106,49 құрады (1,27%-ға жоғары).
Нью-Йорк тауар биржасының (NYMEX) қыркүйек айындағы электрондық сауда-саттықта WTI мұнайының фьючерстерінің бағасы бір баррелі 97,98 долларды құрады (1,32% - ға жоғары).
