Қор нарығында доллар бағамы арзандады
Алматыда доллар бағамы 463-467 теңге аралығында құбылып тұр.
Нұр-Сұлтан мен Алматы қалаларындағы ақша айырбастау пункттерінде демалыс күндермен салыстырғанда доллар бағамы арзандады, деп хабарлайды Almaty-akshamy.kz.
Kurs.kz деректері бойынша, Нұр-Сұлтандағы валюта айырбастау орындарында 1 доллар 462,5 - 465 теңгеден сатылып жатыр.
Ал Алматыда доллар бағамы 463 - 467 теңге аралығында құбылып тұр. Ұлттық банктің 4 шілдедегі ресми бағамы – 1 долларға 466, 44 теңге.
Дәл қазіргі уақытта Алматыдағы ақша айырбастау орындарында Ресей валютасы 7,30-8,20 теңге аралығында саудаланып жатыр.
