Қор биржасында доллар бағамы өсті
Қазақстан қор биржасы 15:30-дағы жағдай бойынша доллардың орташа бағамы 2,76 теңгеге көтеріліп, 465,05 теңгені құрады, деп хабарлайды Almaty-akshamy.kz.
Қытай юанінің орташа бағамы көтеріліп, 67,86 теңгені (+0,51) құрады.
Еуро бойынша сауда-саттық жүргізілген жоқ, ал рубль бойынша әлі аяқталған жоқ.
Ұлттық банк еуроны 459,62 теңгеге, ресей рублін 7,7 теңгеге белгіледі.
Қазіргі уақытта айырбас пункттерінде америкалық долларды 467-472 теңгеден, еуроны 469-475 теңгеден сатып алады/сатады. Рубль - 7,2-7,7 теңге.
Сондай-ақ 25 тамыздағы сауда-саттық барысында мұнайдың әлемдік бағасы да біршама өсті.
Мәселен, Лондондағы ICE Futures биржасында Brent маркалы мұнайдың қазан айындағы фьючерстерінің құны барреліне $101,84 құрады, бұл алдыңғы бағадан 0,61%-ға жоғары.
NYMEX Нью-Йорк тауар биржасының электрондық сауда-саттығында қазан айындағы WTI мұнайының фьючерстерінің бағасы 0,51%-ға қымбаттап, бір баррелі $95,37 болды.
