Конституцияға енгізілетін өзгерістер аталды
Заң жобасы 2022 жылғы сәуірде әзірленеді.
Әділет министрі Қанат Мусин бүгін Үкімет отырысында Конституцияға енгізілетін өзгерістерді айтты, деп хабарлайды Almaty-akshamy.kz
Өзгерістер:
- Президент өкілеттігі;
- оның лауазымда болуына байланысты шектеулер;
- Орталық сайлау комиссиясының, Есеп комитетінің, Конституциялық Кеңестің төрағалары мен мүшелерінің саяси партиялардан шығуы;
- Парламент Сенаты мен Мәжілісін қалыптастыру тәртібі және оның функциялары,
- республикалық бюджеттің атқарылуын бақылау жөніндегі Есеп комитетін Жоғары Аудиторлық Палатаға қайта құру;
- мәслихаттарды қалыптастыру тәртібі;
- азаматтардың, Бас прокурордың және адам құқықтары жөніндегі уәкілдің де өтініш жасауына мүмкіндік бере отырып, Конституциялық Сот құру;
- өлім жазасын жою туралы шешімді Конституцияда бекіту мәселелері бойынша өзгерістер енгізу.
«Заң жобасы 2022 жылғы сәуірде әзірленеді деп жоспарланып отыр», - деді министр.
Бұдан бөлек Конституциялық заңдарға және басқа заңдарға мынадай өзгерістер енгізіледі:
- әкімдер мен олардың орынбасарларына партия филиалдарында қызмет атқаруға тыйым салу;
- Парламент Сенаты мен Мәжілісін қалыптастыру тәртібі және оның функциялары,
- Конституциялық Кеңестің және Жоғары Сот Кеңесінің төрағалары қызметіне кандидатураларды келісу;
- Жоғары Аудиторлық Палата құру туралы;
- мәслихаттарды қалыптастыру тәртібі мен олардың функциялары;
- саяси партияларды тіркеу рәсімін оңайлату;
- прокуратура мен Адам құқықтары жөніндегі уәкіл қызметінің мәселелері бойынша;
- сайлау процесін жетілдіру;
- алқабилер сотының қатысуымен істер санаттарын кеңейту;
- бұқаралық ақпарат құралдары туралы заңды қайта қарау;
- жергілікті өзін-өзі басқару мәселелері бойынша өзгерістер енгізу.
«Бұл бойынша 2022 жылғы тамызда заң жобасы әзірленеді деп жоспарланып отыр», - деді министр.
