Қоғамдық орында балағат сөздер айтқаны үшін айыппұл салынады
Немесе 30 тәулікке қамалады.
Мұндай бұзақылыққа салынатын айыппұл мөлшері 69 мың теңге, деп хабарлайды Almaty-akshamy.kz ІІМ-не сілтеме жасап.
ІІМ Қазақстанда 2023 жылдың наурыз айынан бастап қоғамдық орында балағат сөздер айтқаны, қорлағаны және ғимараттарды қорлағаны үшін құқық бұзушыға 69 мың теңге көлемінде айыппұл салынуы немесе 30 тәулікке дейін қамауға алынуы мүмкін екенін айтты.
ҚР Ішкі істер министрлігі Әкімшілік полиция комитеті бастығының орынбасары Азамат Күрімбаев 3 қаңтарда Мемлекет басшысы қол қойған түзетулер туралы айтты. Құжатта Қылмыстық және Қылмыстық іс жүргізу кодекстерінің, сондай-ақ Әкімшілік құқықбұзушылық туралы кодекстің (ӘҚБК) бірқатар баптарына өзгерістер мен толықтырулар енгізеді. Атап айтқанда, ӘҚБтК-нің «Ұсақ бұзақылық» 434-бабымен толықтырылды.
«Жаңа редакцияда қоғамдық орындарда дөрекі сөздер айту, жеке тұлғаларды балағаттау және жәбірлеу, ғимараттарды, құрылыстарды, тұрғын үй-жайларды, қоғамдық орындарды, көліктегі және қоғамдық орындардағы мүлікті қорлау және басқаларға құрметсіздікті білдіретін осыған ұқсас әрекеттер жасалатын болса, қоғамдық тәртіпті және жеке тұлғалардың тыныштығын бұзатын ұсақ бұзақылық деп саналады. Қазіргі уақытта ұсақ бұзақылық үшін сот 5 АЕК (17 250 теңге) көлемінде айыппұл салу немесе 15 тәулікке дейін қамауға алу түрінде жаза тағайындайды. Жаңа редакцияда айыппұл 20 АЕК (69 000 теңге), қамауға алу 5 күннен 30 тәулікке дейін ұзарды», - деді Азамат Күрімбаев.
Оның айтуынша, түзетулер алғаш ресми жарияланғаннан кейін 60 күн өткен соң, яғни 2023 жылдың наурыз айының басынан бастап күшіне енеді.
