Қытай «Тяньчжоу-4» жүк кемесін ұшырды

Қытай «Тяньчжоу-4» жүк кемесін ұшырды
Сурет: Inform.kz

Қытай ғарыш станциясын іске қосу жұмыстарын жалғастырады

Сейсенбіде Қытай өзінің орбиталық станциясымен түйісетін «Тяньчжоу-4» жүк кемесін ұшырды. Бұл туралы Қытайдың басқарылатын космонавтика бағдарламасының кеңсесі (CSMA) мәлімдеді, деп хабарлайды Almaty-akshamy.kz Inform.kz-ке сілтеме жасап.

Хабарламаға сәйкес, «Тяньчжоу-4» ғарыш кемесі сейсенбіде Қытайдың оңтүстігіндегі Хайнань провинциясындағы Вэньчан ғарыш айлағынан «Чжанчжэн-7» зымыран тасығышымен орбитаға шығарылды.

«Тяньчжоу-4» ҚХР орбиталық станциясына алты айлық ғарышкерлерге арналған қорды, станцияға қызмет көрсетуге арналған қосалқы бөлшектерді және ғарыштық зерттеулер жүргізуге арналған жабдықтарды жеткізеді.

Орбиталық кешен «Тяньхэ» ғарыш станциясының негізгі модулінен және «Тяньчжоу-3» жүк кемесінен тұрады.

Маусым айында басқарылатын «Шэньчжоу-14» ғарыш кемесі ұшырылады. Ол үш тайконавты (ҚХР-да ғарышкерлерді осылай атайды) орбиталық станцияға жеткізеді, олар Қытай ғарыш станциясын іске қосу жұмыстарын жалғастырады және алты ай орбитада болады.