Қысқы Олимпиада: үш шорт-трекші ширек финалға өтті
Финал 13 ақпанға жоспарланған
Шорт-тректен Қазақтанның ерлер командасы 500 метрге жарысудан Олимпиаданың іріктеу айналымына қатысты, деп хабарлайды Almaty-akshamy.kz Olympic.kz сайтына сілтеме жасап.
Бұл бәсекеде Қазақстан намысын Денис Никиша, Әділ Ғалиахметов және Абзал Әжіғалиев қорғаған болатын. Іріктеу қорытындысы бойынша үш спортшы да ширек финалға жолдама алды.
Ғалиахметов өз тобында екінші орынға табан тіресе, Никиша мен Әжіғалиев бірінші орыннан көрінді. Осылайша, қазақстандық спортшылар автоматты түрде келесі кезеңге өтті.
Айта кетелік, ширек финал, жартылай финал және финалдық кезеңдер 13 ақпанға жоспарланған.
