Халықаралық олимпиада жеңімпаздары ЖОО-ға тегін түсе алады
Олар ҰБТ тапсырудан босатылады.
Халықаралық олимпиада жеңімпаздары жоғары оқу орындарында тегін оқи алады. Бұл туралы Оқу-ағарту министрі Асхат Аймағамбетов айтты, деп хабарлайды Almaty-akshamy.kz Elorda.info-ға cілтеме жасап.
«Таяуда ғана еліміздің түкпір-түкпірінен келген халықаралық олимпиаданың биылғы жеңімпаздарын қабылдап, оларға 4,7 млн-ның сертификатын табыс еттім. Енді бұл балалар ҰБТ тапсырмай-ақ, жоғары оқу орындарына түсуге мүмкіндік алып отыр. Осылайша, біздің мемлекет дарынды балаларға қолдау көрсетуде. Бұл жұмыс жалғасын табады», - деді министр.
