Түрксіб ауданында биыл 91 жоба іске асырылады
«Халық қатысатын бюджет» бағдарламасы бойынша 2022 жылы ауданда 800 млн. теңгеге 28 жоба іске асырылды.
Оның шеңберінде ортақ пайдаланудағы 14 орын, 10 балалар және спорт алаңдары абаттандырылды, 4 контейнер алаңы қазылып орнатылды, деп хабарлайды Almaty-akshamy.kz.
Осы жылы Түрксіб ауданында 91 жобаны іске асыру жоспарланған.
«Менің тапсырмам бойынша «Халық қатысатын бюджет» жобасын іске асыруға биыл қаланың барлық 8 ауданына қосымша 7 млрд. теңге бөлінді, оның ішінде сіздердің ауданға 875 млн. теңге бөлінді», - деді қала әкімі Е.Досаев Түрксіб ауданы тұрғындарымен өткен кездесуде.