Кейбір адамдардың кредиті кешірілуі мүмкін

Кейбір адамдардың кредиті кешірілуі мүмкін
Сурет: Egemen.kz

 Елде несиесін бір жыл бойы төлемегендердің қарызы жойылады.

Бұл - "Жеке тұлғаның банкроттығы туралы" заң жобасында көрсетілген мүмкіндік. Құжат жақында депутаттар талқысына ұсынылады, деп хабарлайды Almaty-akshamy.kz 24.kz-ке сілтеме жасап.

Проблемалық қарызы бар қазақстандықтардың 96 пайызы - кепілсіз несие алғандар. Демек, олардың дені банкроттық туралы заңның игілігін көре алады. Қарыз жойылуы үшін өтелмеген сома 5 млн теңгеге дейін болуы керек. Сондай-ақ, соттан тыс банкроттық рәсімін табысы күнкөріс деңгейіне жетпейтін азаматтар пайдалана алады. Қаржы вице-министрі Ержан Біржанов борышкердің мүлкі болмауы керектігін ескертті. Кіріс пен мүліктің бар-жоқтығы электронды үкімет порталы арқылы айқындалады. Демек, мүліктің есебін жүргізетін барлық уәкілетті мемлекеттік орган деректер базасын біріктіреді. Осыдан кейін банктер есеп айырысу шоттары бойынша ақша қозғалысын жүзеге асырады. Соттан тыс банкроттыққа банк, микроқаржы ұйымдары мен коллекторлық агенттіктер алдындағы қарыздар бойынша қолданылуы мүмкін. Өтініш бойынша шешімді жарты жыл күтуге тура келеді. 

«Мысалы, ендігі жылы заңнама жұмыс істесе, 2023 жылы ол банкрот болып табылатын болса, келесі процедураға ол 7 жылдан өткеннен кейін жүгінуге мүмкіншілігі бар. Банкроттықтан кейін үш жыл ішінде қаржылық жағдайы мониторинг жүргізеді. Мұндай тәжірибе басқа Еуропа елдерінде де жүргізіліп отырады. Себебі әдейілеп жасалған банкроттық процедурасын тексеру үшін сондай тәсіл қолданылады», -  дейді ҚР Қаржы вице-министрі Ержан Біржанов.