Кешеден бері Алматы бойынша «жарылғыш зат» қойылды деген жалған ақпарат қаптап кетті
Алматы әуежайында «бомба» қойылды деген ақпарат расталмады
Алматы халықаралық әуежайы баспасөз қызметінің мәліметінше, «жарылғыш зат» туралы ақпарат жалған болып шықты, деп хабарлайды Almaty-akshamy.kz ҚазАқпаратқа сілтеме жасап.
«Әуе кемесіне «бомба» қойылды деген ақпарат түсе салысымен, төтенше жағдай жоспары бойынша кешенді тексеру жүргізілді. Ақпарат расталмады. Әуежай қалыпты режимде жұмыс істеп тұр», - деп хабарлады әуежайдың баспасөз қызметінен.
Бұған дейін қаланың шұғыл жедел қызметтері Алматы халықаралық әуежайын тексеруге жұмылдырылған еді.
Сәуірдің 14 күні Алматы әуежайының электронды поштасына Минск-Алматы бағытындағы ұшақ бортына жарылғыш зат қойылғаны туралы ақпарат тараған болатын.