Қазақстандықтар арасында қандай смартфон бренді сұранысқа ие?
Елімізде Samsung, Apple, Xiaomi смартфондары жоғары сұранысқа ие
StatCounter дерегіне сүйенсек, биылғы қаңтарда әлемдегі ең танымал ұялы телефон Apple болған. Компанияның әлемдік нарықтағы үлесі 29,5%-ды құрайды, деп хабарлайды Almaty-akshamy.kz Elorda.info-ға сілтеме жасап.
Екінші орында Samsung компаниясы тұр, оның нарықтағы үлесі – 27,2%. Үшінші орында – Xiaomi, оның нарықтағы үлесі – 11,5%.
Ал Қазақстанда Samsung бренді ұялы телефондар нарығында көшбасшы болып тұр: оның нарықтағы үлесі 36,1%-ды құрайды. Былтыр бұл көрсеткіш 41% болған.
Екінші орында Apple келеді: алма-брендтің нарықтағы үлесі – 26,6%, бір жыл бұрынғы көрсеткіш 20% болған.
Үшінші орында Xiaomi тұр, нарықтағы үлесі – 17%, 2021 жылғы қаңтардағы көрсеткіш – 15,2%.
Сондай-ақ үздік бестікке Oppo және Huawei компаниялары да енді.
