Тұқым шаруашылығы бойынша бастапқы деректер базасы құрылды.
Ауыл шаруашылығы министрлігінде қазіргі уақытта тұқым шаруашылығы жүйесін тәртіпке келтіру бойынша жұмыстар жүргізілуде. Қазақстанның ғылыми ұйымдары селекцияның қазіргі әдістеріне ауыстырылатын болады. Бұдан басқа, тұқымдарды қадағалаудың цифрлық жүйесін әзірлеу басталды, деп хабарлайды Almaty-akshamy.kz Eldala.kz сілтеме жасап.
«Елге түскен кезде, оның экспорты кезінде және бүкіл ел бойынша қозғалу кезінде тұқымдық материалдың ілгерілеуіне қатаң бақылау орнату туралы нақты көзқарас бар. Біз тұқымдарды бақылаудың сандық жүйесін жасауға тікелей қатысамыз. Біздің еншілес ұйымымыздың талдау орталығының мамандары осы ақпараттық жүйенің модульдерін әзірлеуге қатысады. Тұқым шаруашылығы бойынша бастапқы деректер базасы құрылды. Сондай-ақ, біз осындай ақпараттық жүйені енгізген ресейлік әріптестеріміздің тәжірибесін белсенді түрде зерттейміз», - деді Ұлттық аграрлық ғылыми-білім беру орталығының басқарма төрайымы Гүлмира Исаева.
Сонымен қатар, селекциялық ғылымды дамыту жөніндегі 15-20 жылға есептелген ұзақ мерзімді ғылыми бағдарламаны әзірлеу аяқталды. Ғалымдардың алдында Қазақстанның барлық өңірлерінде соңғы жылдары байқалған климаттың өзгеруіне бейімделген дақылдардың жаңа сұрыптарын іріктеу және өсіру міндеті тұр.
Бағдарлама ғылыми-техникалық сараптамадан өтті және қазіргі уақытта Ауыл шаруашылығы министрлігі оны қаржыландыру бойынша шаралар қабылдауда.
«Бұл біздің ғалымдарға жаңа сұрыптарды құру мәселелерінде нақты қолдау көрсетуге мүмкіндік береді деп үміттенеміз», - деді Гүлмира Исаева.