Қазақстанда шетелдік жұмыс күшін тартуға арналған квота қысқарды

Қазақстанда шетелдік жұмыс күшін тартуға арналған квота қысқарды Сурет: Almaty.tv

Квота 16%-ға қысқарып, 23 560 бірлікке дейін азайды.


Қазақстан Үкіметі шетелден келетін мамандарға бөлінетін квота көлемін қысқартты, деп хабарлайды Almaty-akshamy.kz.



«Қазақстан Еңбек және халықты әлеуметтік қорғау министрлігі Мемлекет басшысының ағымдағы жылғы қаңтарда ірі отандық бизнес өкілдерімен кездесу қорытындысы бойынша берген тапсырмасын орындау үшін шетелдік жұмыс күшін тартуға арналған квотаны 16%-ға, яғни 23 560 бірлікке дейін қысқартты», - делінген министрліктің баспасөз қызметінің хабарламасында.



Бұл тапсырманы орындау елімізде тапшылығы сезілетін арнайы мамандық иелері мен бейінді мамандардан басқа кәсіптердің барлық санаттарына қатысты.



«Квотаны бөлу туралы» Қазақстан Республикасы Еңбек және халықты әлеуметтік қорғау министрінің 2022 жылғы 18 қаңтардағы №17 бұйрығына өзгеріс енгізу туралы» бұйрық ағымдағы жылғы 4 ақпанда қабылданды. Оған сәйкес, жергілікті атқарушы органдар үшін республика аумағында еңбек қызметін жүзеге асыру үшін шетелдік жұмыс күшін тартуға арналған 2022 жылға арналған квота 28 352-ден 23 560 бірлікке дейін, яғни 4 792 бірлікке (16%) қысқартылды.



Нәтижесінде 2022 жылы ШЖК тартуға квота мынадай түрде 4 санатқа бөлінді: бірінші санат бойынша 1 243 рұқсат (басшылар және олардың орынбасарлары), екінші санат бойынша 6 499 рұқсат (құрылымдық бөлімшелердің басшылары). Рұқсаттардың негізгі бөлігі үшінші (мамандар) және төртінші (білікті жұмысшылар) санаттарға жатады – тиісінше 11 110 және 2 396 бірлік. Сондай-ақ маусымдық жұмыстарға 2 312 адам тартылуы мүмкін.


2022 жылғы 1 ақпандағы жағдай бойынша, жергілікті атқарушы органдардың рұқсаты бойынша Қазақстан аумағында 14 932 шетелдік азамат еңбек қызметін жүзеге асырды.


Естеріңізге сала кетсек, 2021 жылы жергілікті атқарушы органдар 18,2 мың бірлік мөлшерінде ШЖК тарту үшін жұмыс берушілерге рұқсаттар берді және ұзартты. Бұл белгіленген квотаның 64%-ын (29,3 мың) құрады.

Сіздің реакцияңыз?
Ұнайды
0
Ұнамайды
0
Күлкілі
0
Шектен шыққан
0
Соңғы жаңалықтар

20:13

19:43

19:13

18:42

18:15

17:40

17:16

17:14

17:02

16:51

16:28

16:25

16:00

15:46

15:35

15:34

14:52

14:49

14:36

14:31

14:06

13:40

12:55

12:48

12:37