Қазақстанда халықаралық іздеуде жүрген қырғызстандық ұсталды
Айша бибі өткізу бекетінде халықаралық іздеуде жүрген қырғызстандық ұсталды.
ҰҚК баспасөз қызметінің хабарлауынша, 2023 жылдың 17 наурызында ҰҚК Жамбыл облысы бойынша ПҚ департаментінің әскери қызметкерлері «Айша бибі» өткізу пунктінде Ресейде қылмыстық құқық бұзушылық жасағаны үшін халықаралық іздеуде болған Қырғызстан азаматын ұстады. Ол құқық қорғау органдарына берілді, деп хабарлайды Almaty-akshamy.kz Egemen.kz-ке сілтеме жасап.
Қаңтар айының соңында 41 жастағы ресейлік әйел Қазақстан шекарасын кесіп өтпек болған жерінде ұсталды. Белгілі болғандай, әйел 2022 жылдың қыркүйегінен бері жалға алынған баспанадан ұрлық жасады деген айыппен құқық қорғау органдарынан жасырынып жүрген.
