Қазақстанда фрилансерлердің жұмыс табуына арналған платформа ашылады
Бұл қажет маманды тез табуға, еңбек құқығын қорғауға мүмкіндік береді.
ҚР Еңбек және әлеуметтік қорғау вице-министрі Ержан Біржановтың айтуынша, freelance.enbek.kz сервисі биыл жылдың соңына қарай қосылады, деп хабарлайды Almaty-akshamy.kz
Бұл фрилансерлердің қызметін түрлі платформада оңай тіркеуге, қажет маманды тез табуға, еңбек құқығын қорғауға және тапсырыс берушілермен қарым-қатынасты ресми ресімдеуге мүмкіндік береді.
Одан бөлек, Біржановтың сөзінше, «жас қызметкер» ұғымы мен сынақ мерзімін алып тастау, өзге өңірден жұмысқа келген жастардың тұрғын үй жалдауына жәрдемақы енгізу шарасы қарастырылмақ.
