Қазақстан шетелде төлқұжат ала алатын азаматтардың тізімін ұзартты

Қазақстан шетелде төлқұжат ала алатын азаматтардың тізімін ұзартты
Сурет: Kp.kz

Мұндай азаматтардың тізімі жаңа үш санатпен толықтырылды.

Сыртқы істер министрлігі «Шетелде жүрген Қазақстан Республикасының азаматтарына төлқұжат дайындау үшін құжаттарды қабылдау және жіберу» мемлекеттік қызметтерін көрсету қағидаларына өзгерістер дайындады, деп хабарлайды Almaty-akshamy.kz

Бұдан былай Қазақстанның шетелдердегі елшіліктері мен консулдықтарында келесі тұлғалар төлқұжат ала алады:

Қазақстан Республикасынан тыс жерде тұрақты тұратын;

шет мемлекеттердің аумағында орналасқан оқу орындарында білім алу;

еңбек шарты бойынша шет мемлекеттерде жұмыс істеу;

кәмелетке толмағандар, егер олар Қазақстан Республикасынан тыс жерде туған болса;

осы адамдардың олармен бірге тұратын отбасы мүшелері;

Қазақстан Республикасынан тыс жерде тұратын шетелдіктің отбасы мүшелері болып табылатын;

шетелдегі дипломатиялық қызмет персоналымен бірге тұратын дипломатиялық қызмет персоналының туыстары;

жасына байланысты өзін-өзі күтуге қабілетсіз адамдар (егде жастағы адамдар) және олардың өмірлік белсенділігін шектейтін дене функцияларының тұрақты бұзылуы бар денсаулығы бұзылған адамдар, сондай-ақ өзін-өзі күтуге қабілетсіз жақын туыстарын күтетін адамдар;

ұсталған немесе қамауда ұсталған, қамауға алынған, сондай-ақ шет мемлекеттің аумағындағы қылмыстық-атқару жүйесі мекемелерінде жазасын өтеп жатқандар.

Құжат 22 қарашаға дейін қоғамдық талқылау үшін Ашық НҚА веб-сайтында орналастырылған.