Қазақстан мен Өзбекстан қорғаныс министрлері кездесті
«Қалқан-2023» бірлескен тактикалық-арнайы оқу-жаттығуы өтеді
Аталған кездесу Ташкентте қазақстандық әскери делегацияның Өзбекстанға ресми сапары аясында өтті, деп хабарлайды Almaty-akshamy.kz.
Қазақстанның қорғаныс ведомствосының басшысы, генерал-полковник Руслан Жақсылықов пен Өзбекстанның Қорғаныс министрі, генерал-лейтенант Баходир Құрбанов жауынгерлік және кадрлық даярлық саласындағы екіжақты ынтымақтастық мәселелерін талқылады.
Қазақстан Қорғаныс министрі мемлекеттер арасындағы достық қарым-қатынас пен әскери саладағы өзара іс-қимылды нығайту ынтымақтастықты одан әрі дамытатынын атап өтті.
Сапар аясында генерал-полковник Руслан Жақсылықов әріптесімен бірге екі елдің әскери қызметшілері жұмылдырылған «Қалқан-2023» бірлескен тактикалық-арнайы оқу-жаттығуының белсенді кезеңін бақылайды, одан өзге Өзбекстан Қарулы Күштері академиясының қызметімен танысатын болады.
