Қазақстан мен Қытай арасындағы тауар айналымы бір жылда бір жарым еседен астам өсті
Қазақстанның тауар айналымы құрылымындағы Қытайдың үлесі 16,1 пайызды құрады.
Ағымдағы жылдың қаңтар айында Қазақстан мен Қытай арасындағы тауар айналымы 1,4 млрд долларға жетті, бұл бір жыл бұрынғыдан 53,4%-ға артық, деп хабарлайды Almaty-akshamy.kz Finprom.kz сайтына сілтеме жасап.
Биылғы жылдың алғашқы айында Қытайға жасалған экспорт көлемі импорт көлемінен асып түсті. Экспорт бірден 77,9%-ға өсіп, 771,7 млн АҚШ долларына жетті. Қазақстан Республикасынан экспорттың жалпы көлеміндегі Қытайдың үлесі 12,7%-ды құрады.
Ал импорт өз кезегінде 31,8%-ға өсіп, 648,5 млн. Қазақстан Республикасына импорттың жалпы көлеміндегі Қытайдың үлесі 23,8%-ды құрады.
2021 жылғы 1 қазандағы жағдай бойынша, Қазақстан резиденттерінің Қытайдан келген инвесторлар алдындағы міндеттемелері 13,5 млрд долларды құрады, бұл бір жыл бұрынғыдан 0,4%-ға артық. Екі жылдық құлдыраудан кейін индекс сәл көтерілді.
Қаражаттың басым бөлігін қытайлық инвесторлар Қазақстан Республикасының өңдеу өнеркәсібіне бағыттады: 2021 жылдың қазанына дейін 2,8 млрд доллар болды, бұл бір жылда 2,2%-ға артық деген сөз.
Сондай-ақ танымал салаларға көлік пен қойма (2,6 млрд доллар, бір жылмен салыстырғанда 21,5%-ға аз) және сауда мен автокөлік жөндеу (2,1 млрд доллар, 20,3%-ға өсті) кіреді.
2021 жылдың қаңтар-қыркүйек айларында Қытайдан келген инвесторлардың жалпы тікелей инвестиция ағыны 1,5 миллиард долларға жетті, бұл бір жыл бұрынғыдан 2,9 есеге көп.
Салыстыру үшін: 2020 жылдың осы кезеңінде Қытай инвестициясының жалпы ағыны бір жылда бірден 57,7%-ға қысқарып, 521,8 млн долларға дейін азайған.
2022 жылдың 1 наурызына дейін елде Қытайдың қатысуымен 1,5 мың компания жұмыс істеді, бұл бір жыл бұрынғыдан 17,4%-ға артық.
Бұл компаниялардың басым бөлігі көтерме және бөлшек сауда мен автожөндеу, құрылыс пен тау-кен өндіру салаларында жұмыс істейді. Үздік бестікке енген салаға сонымен қатар өңдеу өнеркәсібі мен кәсіби, ғылыми-техникалық қызмет те кіреді.