Қазақстан Қытайға күнбағыс майының экспортын ұлғайтты

Қазақстан Қытайға күнбағыс майының экспортын ұлғайтты
Сурет: Marimedia.ru

5,9 есеге арттырды.

2022 жылғы қаңтар-сәуірде өткен жылдың сәйкес кезеңімен салыстырғанда, Қазақстаннан Қытайға күнбағыс майын жеткізу 5,9 есеге, $6,8 млн-нан $40,3 млн-ға дейін ұлғайды, деп хабарлайды Almaty-akshamy.kz Eldala.kz сілтеме жасап.

Есепті кезеңде Қазақстаннан Қытайға $18,5 млн күнжара майы экспортталды.

Қазақстан мен Қытай арасындағы тауар айналымы 2022 жылғы қаңтар-сәуірде $6,5 млрд құрады, бұл өткен жылдың ұқсас кезеңімен салыстырғанда ($5,2 млрд) 26,7% - ға жоғары.

Қазақстаннан Қытайға экспорт 29%-ға өсіп, $3,6 млрд құрады, Қытайдан Қазақстанға импорт -23,9%-ға, $2,9 млрд-қа дейін өсті. 2022 жылдың 4 айындағы импорт көлемі осындай кезеңдегі рекордтық нәтиже болып табылады.

Ұлттық статистика бюросының деректері бойынша, Қазақстанда 2022 жылғы қаңтар-сәуірде 2021 жылғы ұқсас кезеңмен салыстырғанда тазартылмаған күнбағыс майын өндіру 49,7%-ға өсіп, 98 266 тоннаны құрады.

Тазартылған күнбағыс майын өндіру 13,8%-ға, 50 815 тоннаға дейін төмендеді.

Естеріңізге сала кетейік, Ведомствоаралық комиссия күнбағыс тұқымдары мен күнбағыс майын шығаруға шектеулерді тиісінше 30 қыркүйек пен 31 тамызға дейін ұзарту туралы шешім қабылдаған болатын.

1 шілдеге дейін белгіленген күнбағыс тұқымдарының экспортына қойылған шектеулер 30 қыркүйекке дейін ұзартылды. Бұл ретте әкетуге рұқсат етілген өнімнің жалпы көлемі 125 мың тоннадан 140 мың тоннаға дейін ұлғайтылды.

Күнбағыс майының экспортына шектеу қою мерзімі 31 тамызға дейін (бұрын 1 маусымға дейін болған) ұзартылды. Квота көлемі өзгерген жоқ – 114 мың тонна.

Ауыл шаруашылығы министрлігі 2022 жылғы 8 шілдеден кешіктірмей өзінің интернет-ресурсында 2022 жылғы шілде-қыркүйек аралығында ҚР аумағынан күнбағыс тұқымдарын әкетуге квота алуға өтінімдер қабылдау туралы хабарландыру орналастырады. Хабарландыруда бөлінетін квотаның ай сайынғы көлемі, бір өтініш беруші үшін рұқсат етілген ай сайынғы лимит, ішкі нарыққа күнбағыс майын кепілдендірілген жеткізу көлемі, қажетті құжаттар тізбесі және т.б. көрсетіледі.