Қазақстан бокс федерациясының атқарушы директоры тағайындалды

Қазақстан бокс федерациясының атқарушы директоры тағайындалды
inform.kz

Азиз Қожамбетов Қазақстан бокс федерациясының (ҚБФ) атқарушы директоры болып тағайындалды, деп хабарлайды Аlmaty-akshamy.kz федерацияның баспасөз қызметіне сілтеме жасап.

Бұл жайлы бұйрыққа бүгін қол қойылды.

Азиз Есентайұлы осыған дейін ҚБФ президентінің кеңесшісі қызметін атқарып келді. Халықаралық дәрежедегі тәжірибесінің арқасында жақында ғана аяқталған Азия бокс конфедерациясының Конгресінде аталған ұйымның директорлар кеңесінің мүшесі болып сайланды. Төрт тілді жетік меңгерген маман 2010-2014 жылдар аралығында ASBC атқарушы директоры қызметін атқарған. World Series of Boxing аясында өнер көрсеткен даңқты «Astana Arlans» клубының негізін қалағандардың бірі.

«Қазақстан бокс федерациясы және еліміздегі барша бокс қауымдастығы Азиз мырзаны шын жүректен құттықтайды. Еліміздегі №1 спорт түрінің дамуына спорт саласында жинаған мол тәжірибесі өз септігін тигізеді деген сенімдеміз. Жаңа қызметте сәттілік, және отандық былғары қолғап шеберлеріне жеңіс тілейміз!» - делінген хабарламада.