Каспий итбалығын сақтау үшін ерекше қорғалатын табиғи аумақ құрылмақ
Итбалықтардың қырылу себебі әлі анықталмады.
Экология, геология және табиғи ресурстар министрлігінің хабарлауынша, Қазақстан Каспий итбалығын сақтау және көбейтуге қатысты 2026 жылға дейінгі Ресеймен бірлескен іс-қимыл жоспарына қол қойды, деп хабарлайды Almaty-akshamy.kz
Жоспар бойынша, Каспий итбалығының мекендеу және көбеюін сақтау үшін ерекше қорғалатын табиғи аумақ құрылады.
Экология министрлігі ұсынған ақпаратына сәйкес, биыл 5 айдың ішінде Каспий теңізі жағалауынан 219 өлі итбалық табылған.