Мемлекет басшылары бірін-бірі қасиетті Рамазан айының басталуымен құттықтады.
Президенттер Қазақстан мен Өзбекстан арасындағы стратегиялық серіктестікті дамытудың және аймақтық кооперацияны кеңейтудің перспективаларын талқылады, деп хабарлайды Almaty-akshamy.kz Ақорда сайтына сілтеме жасап.
Екі ел басшылары сауда-экономикалық және өзара мүддені көздейтін басқа да салалардағы ынтымақтастықты жандандыруға ерекше назар аударды. Тараптар өзбек көшбасшысының былтыр желтоқсанда Қазақстанға мемлекеттік сапары барысында қол жеткізілген уағдаластықтарды тиімді жүзеге асыру мәселелері жөнінде пікір алмасты.
Телефон арқылы сөйлесуге Өзбекстан тарапы бастамашы болды.