Кашпировскийді шымкенттік дәрігерлер аман алып қалды
Белгілі экстрасенс-психотерапевт оңтүстікке жиі келеді
Белгілі болғандай, Кашпировский Шымкент емханасына асқазан жарасы диагнозымен түскен. Науқас үш литр қан жоғалтқан, деп хабарлайды Almaty-akshamy.kz Otyrar.kz-ке сілтеме жасап.
Танымал психотерапевт Анатолий Кашпировскийдің ауруханаға түскенін №1 қалалық емхана қызметкерлері айтып берген.
«Науқас бізге 2022 жылдың қараша айында келіп, ем қабылдап, толық жазылып шықты. Ол сол кезде Шымкентте болатын. Оның асқазан ойық жарасы бар екені анықталды», - деді аурухана дәрігерлері.
"Қазір науқас өзін жақсы сезінеді", - деп сендірді дәрігерлер. Анатолий Кашпировский шымкенттік емхананың дәрігерлік ұжымына еңбектері үшін алғысын білдірген.
Белгілі экстрасенс-психотерапевт оңтүстікке, дәлірек айтсақ, Төлеби ауданына жиі келетіні белгілі. Айтуларынша, ол жерде Кашпировскийдің үйі бар.
