Қарбыз тиелген тіркеме аударылып қалды
Аягөзден 20 шақырым жерде қарбыз тиелген тіркеме аударылып қалды. Оқиға орнынан түсірілген видео әлеуметтік желіде жарияланды, деп хабарлайды Almaty-akshamy.kz Zakon.kz-ке сілтеме жасап.
Бейнежазба instagram-дағы @osa_uka_vko қоғамдық паблигінде пайда болды.
«Өскемен–Аягөз тас жолы. Қарбыз тиелген тіркеме аударылып қалды», – делінген видеоның астында.
Семей қалалық Полиция басқармасының мәліметінше, бұл факт тіркеу кітабына тіркелмеген.
«Полицейлер келгенше жол жұмысшылары тіркемені көтеруге көмектесіп, олар жолға шықты»,-деді Семей Полиция департаментінің баспасөз қызметі.
