Қапшағай жағажайында демалыс күндері 40-қа жуық бала жоғалады
Алматы облысындағы Қапшағай жағажайында демалыс күндері 40-қа жуық бала жоғалады.
«Бұған басты себеп - ата-аналардың жауапсыздығы», - дейді құтқарушылар.
Өңірде күн ысығалы бері, суға түсетіндер күрт көбейген. Күн сайын 4-10 жас аралығындағы 5-6 баладан жоғалып жатады, деп хабарлайды Almaty-akshamy.kz
Олар көп жағдайда табылады. Дегенмен, құтқарушылар қайғылы оқиғаны болдырмас үшін, ата-аналарға барынша сақ болып, балаларды қараусыз қалдырмауды ескертіп отыр.
Еске салайық, 10 күн бұрын Қапшағай су қоймасында бір үйдің төрт бірдей адамы суға кеткен. Олардың арасында 2 бала бар.
