Қапшағай су қоймасында 15 жасар қыз құтқарылды
Қыз жағадан 150 метр қашықтыққа кетіп қалған
Бойжеткен жағадан 150 метр жерде суға бата бастаған, деп хабарлайды Almaty-akshamy.kz.
2022 жылғы 25 шілдеде сағат 19.45-те Алматы облысы ТЖД Қонаев өңірінің Жедел-құтқару жасағының құтқарушылары Қапшағай су қоймасында батып бара жатқан қызды құтқарды.
«№7 қалалық жағажай маңында патрульдеу кезінде, жағадан 150 метр қашықтықта шомылу кезінде, тереңдікке түсіп бата бастаған, 2007 жылы туған қыз бала құтқарылды. Құтқарылған қыз жағаға жеткізіліп, ата-анасына тапсырылды»,-делінген облыстық ТЖД таратқан мәліметте.
Құтқарушылар қыздың ата-анасымен және басқа да демалушылармен судағы қауіпсіздікті сақтау бойынша түсіндірме әңгімесі жүргізді.
