Қаңтар айында теміржолдағы жолаушылар тасымалы 22 пайызға артты
Бұл көрсеткіштің артуына қаңтар оқиғалары да, карантин де кедергі бола алған жоқ.
Ештеңеге қарамастан, қаңтар айындағы теміржолдағы жолаушылар тасымалы 22 пайызға, ал жолаушыларға көрсетілетін теміржол көлігі қызметтерінің бағасы 6%-ға өсті, деп хабарлайды Almaty-akshamy.kz Еnergyprom.kz сайтына сілтеме жасап.
Ағымдағы жылдың қаңтар айында теміржол көлігімен 1,3 млн адам қатынаған. Қазақстан Республикасындағы қаңтар оқиғаларына, сондай-ақ «омикронға» байланысты карантинге қарамастан, бұл бір жыл бұрынғы көрсеткіштен 21,7%-ға артық болып тұр. Жолаушылар тасымалының айналымы 1,1 млрд пкм құрады, бұл бір жыл ішінде 36,1% артық деген сөз.
Жолаушылар тасымалы бойынша көшбасшылар - елорда (333,4 мың адам – өткен жылмен салыстырғанда 31,1%-ға көп), сондай-ақ Ақтөбе және Қызылорда облыстары.
Анықтама үшін: 2021 жылғы қаңтар-желтоқсанда жолаушылар тасымалы өткен жылдың аталған кезеңімен салыстырғанда 40,1%-ға өсіп, 15,9 млн адамды құрады.
Ағымдағы жылдың қаңтар айында бұл сектордағы жүк тасымалы 37,1 млн тоннаны құрады, бұл бір жылда 10% артық деген сөз. Жүк айналымы өткен жылдың осы кезеңімен салыстырғанда 17,3%-ға артып, 27,2 млрд тонна-километрге жетті.
Анықтама үшін: 2021 жылғы қаңтар-желтоқсанда теміржол көлігімен 416,1 млн тонна жүк тасымалданды, бұл жылына 0,7% артты дегенді білдіреді.
Теміржол көлігі кәсіпорындарының кірістері бір жылда құндық мәнде 15,3%-ға өсіп, 2022 жылғы қаңтарда 98,5 млрд теңгені құрады.
Салыстыру үшін: 2021 жылдың сәйкес кезеңінде сала кәсіпорындарының кірісі 85,4 млрд теңгені құрап, 15,1% -ға артқан.
Ағымдағы жылдың қаңтар айында жолаушылар теміржол көлігі қызметтерінің бағасы бір жыл ішінде 5,7%-ға өсті. Бағаның бір жылдағы 13,1%-ға өсуін ең қатты сезінген Маңғыстау облысының тұрғындары болды. Ең жоғары өсім қарқыны бар үш аймаққа Қостанай (жылына плюс 8,4%) және Атырау (плюс 8%) облыстары кірді. Жылдық баға өсімінің ең аз көрсеткіші Шымкентте тіркелді, бұл – 1%-ға тең.