Күзде қандай көкөністерді жеу керек?

Күз – жеміс-жидектің пісіп, ағзаны пайдалы дәрумендермен байытатын шақ. Күн райы салқындай бастайтын осы шақта қысқа дайындық ретінде иммунитетті көтеретін, денсаулыққа пайдасы мол көкөністерді жеген жөн. Әсіресе, бұл маусымда ас мәзірінде келесі көкөністер тізімі болса, құба-құп.

Асқабақ. Бұл көкністің құрамында бета-каротин көп, ол маңызды А дәруменін бөледі. Теріні қалпына келтіріп, оны жазуда бұл дәруменнің пайдасы көп. Сонымен қатар, асқабақ жүрек-қан тамырлары жүйесінің дұрыс жұмыс істеуі үшін де қажет. Асқабақты қаймақ, табиғи йогурт немесе рикоттамен үйлестіріп қолданса болады.

Қызылша. Бұл көкөніс асқазан-ішек жолдарына өте жақсы әсер етеді, сонымен бірге қатерлі ісік клеткаларының өсуін тежейді. Қызылша когнитивтік функцияларға жақсы әсер етеді – адам миының жұмысын жақсартатын қасиетке ие. Бұл көкөністі зәйтүн және күнжіт майларымен, сондай-ақ, кез келген шөптермен және дәмдеуіштермен үйлестіріп жесе болады.

Орамжапырақ. Бұл көкөністің басты құндылығы оның күшті антиоксидант – С дәруменіне бай келетінінде. Соның арқасында ол ағзадағы холестерин деңгейін азайтып, қан қысымын реттеп, ішектерге жақсы әсер етеді. Шикі орамжапырақты басқа да қытырлақ көкөністермен үйлестіруге болады, сонымен бірге май, шөптер және ірімшікпен пісіруге болады.

Баялды

Көкшіл-күлгін түстес болып келетін бұл көкөніс қандағы қант мөлшерін түсіретін жасұнықтар мен полифенолаға бай. Оның үстіне, калориясы аз баялдының өзіне тән ерекше дәмі бар. Оны зәйтүн майымен, сонымен бірге ірімшікпен, сарымсақпен және көк дәмдеуіштермен қолдануға болады.

Бұрыш

Тәтті бұрыш - С,Е,К және А дәрумендерінің негізгі көзі. Осылайша, ол қанның жақсы ұйығыштығына әсер етеді, бұлшық еттерді, сүйекті , тіпті жүйке жүйесін нығайтады. Мұны ірімшік өнімдерімен, етпен жақсы үйлестіріп қолдануға болады.

Деректер интернет желісінен алынды.