Индустриялық аймақ Алатау ауданының басты өнеркәсіптік әлеуеті болып табылады
Алматы қаласы Алатау ауданы әкімінің орынбасары Ертіс Бесіров Өңірлік коммуникациялар қызметінің брифингінде аудан аумағында қандай кәсіпорындардың ашылғаны және 2022 жылы қандай кәсіпорындардың ашылатыны туралы айтып берді, деп хабарлайды Аlmaty-akshamy.kz Алматы қаласының Өңірлік коммуникациялар қызметіне сілтеме жасап.
2022 жылдың 6 айында Алатау ауданы бойынша мемлекеттік бюджетке 35,4 млрд теңге түсті, оның ішінде республикалық бюджетке – 17,4 млрд теңге, жергілікті бюджетке – 17,9 млрд теңге. Негізгі капиталға салынған инвестициялар 52,4 млрд теңгені құрады. Жыл басынан бері 3 516 жұмыс орны құрылды.
«Индустриялық аймақ ауданның басты өнеркәсіптік әлеует болып табылады. Бүгінде жалпы сомасы 114,7 млрд теңгені құрайтын 2688 жұмыс орнын құру арқылы 19 жоба іске асырылды, 519,1 млрд теңгеге өнім өндірілді», - деп хабарлады Е. Бесіров.
Кәсіпорындар тізімінде «BRB APK», «Almapack», «DOC Co.LTD», «TOKYO ROPE ALMATY», «KMK Investment», «KazTigerTape», «ЭНКО», «ASSET», «Техновид», «МПЗ Бижан», «ДорХан-Алматы», «Алмерек», «Hyundai Trans Kazakhstan», «СК Рахат» «Г.С.Г. Высотник», «KMK Investment второй этап» , «Asia steel pipe corporation», және 3 өндірістіп парк «ADS Industries», «KazStroyTrade», «ALAESTATE».
2022 жылдың соңына дейін 276 жұмыс орнын құрумен жалпы сомасы 10,1 млрд теңгеге тағы 6 жобаны іске асыру жоспарлануда: «Каз-Диа-Тест», «City Stone», «Электробар», «Valtherm», «Story Production», «TEPLOSTIL».
Тағы да бір басты перспективалық жобалардың бірі - өнеркәсіптік парктерді дамыту болып табылады. Биылғы жылы 370-тен астам жұмыс орнын құрумен, 15 480 ш.м. құрайтын өндірістік үй-жайларды пайдалануға берумен 3 өнеркәсіптік парктерді (ALAESTATE-2, «Qazaq Plast» ЖШС, «Alatau Industrial Park», сондай-ақ ADS Industries-тің 2-ші кезеңі) іске қосу жоспарлануда.
