Еңбекмин елу мың бере ме?
Соңғы кезде әлеуметтік желілерде осындай ақпарат тарап жатыр.
ҚР Еңбекмині сыйақы төлеу арқылы азаматтарға ешқандай сауалнама жүргізбейтінін мәлімдеді, деп хабарлайды Almaty-akshamy.kz министрлікке сілтеме жасап.
ҚР Еңбек және халықты әлеуметтік қорғау министрлігі халыққа онлайн сауалнама жүргізіп, кейіннен 50 000 теңге мөлшерінде сыйақы төлейтіні туралы мессенджерлер мен әлеуметтік желілерде таратылып жатқан ақпарат шындыққа жанаспайды.
Азаматтарға алаяқтар мұндай хабарламаларды жеке аккаунттар мен банктік шоттарға қол жеткізу үшін қолдануы мүмкін екенін ескертеміз. Ешқашан күмәнді сілтемелерге өтпеңіз және алаяқтықтың құрбаны болмас үшін жеке мәліметтеріңізді қалдырмаңыз.
Азаматтардан жалған ақпаратқа назар аудармауды және ақпаратты тек ресми көздерден ғана алуды сұраймыз.
Жалған ақпаратты тарату заң бойынша жазаланатынын еске саламыз.
