Ева Корышева Түркиядағы турнирдің чемпионы атанды
Беделді додаға Еуропаның 64 спортшысы қатысты
Қазақстандық теннисші Ева Корышева Ыстанбұл қаласында өткен 14 жасқа дейінгілер арасындағы екінші санатты Tennis Europe турнирінің чемпионы атанды, деп хабарлайды Almaty-akshamy.kz.
Беделді додаға Еуропаның 64 спортшысы қатысып, бақ сынады.
Ақтөбе теннис мектебінің түлегі Корышева жарыстың 4-ші ракеткасы болып тіркелді. Ол финалда Чехияның осы жастағылар арасында 9-шы ракеткасы Яна Ковачкованы 6:1, 7:6 есебімен ұтты. Осылайша, Ева спорттық жолында жекелей сында Tennis Europe турнирінде төртінші рет үздік шықты.
Ева қазіргі кезде Еуропа теннис федерациясының рейтингінде 61-ші орында тұр. Түркиядағы жеңісінің арқасында сейсенбіде жаңартылатын рейтингте жоғары көтерілмек.