Ертең утильдік алымның жаңа мөлшерлері жарияланады
Бұл туралы ҚР Экология, геология және табиғи ресурстар министрі Серікқали Брекешев айтты.
Үкімет отырысынан кейін өткен брифингте министр утильдік алым мөлшері қашан жарияланатынын айтты, деп хабарлайды Almaty-akshamy.kz ҚазАқпаратқа сілтеме жасап.
«Ертең атомобиль және ауыл шаруашылығы техникалары үшін утильдік алым мөлшерлемелері жарияланады. Ал «Оператор ӨКМ» компаниясынан мемлекетке берілген ақша туралы ақпарат бәріне мәлім деп ойлаймын. «Оператор ӨКМ»-нің екінші деңгейлі банктердегі шоттарында шамамен 220 млрд теңге болған. Қаулы бойынша бұл ақша «Жасыл дамуға» берілді. Ол ақшаның қаншасы жеңілдетілген автонесиеге бөлінетінін заңнама нормалары бойынша қараймыз», - деді Серікқали Брекешев.
