Еліміздің төрт облысының жолы жабылды

19 наурыз бен 24 наурыз аралығында шамамен 86 рет жол қозғалысына шектеулер енгізілді.

«ҚазАвтоЖол» АҚ баспасөз қызметінің ақпаратына сәйкес, республикалық маңызы бар тасжолдарда 600-ге жуық арнайы техника жұмыс жасап жатыр, деп хабарлайды Almaty-akshamy.kz

Қазақстанның төрт облысында ауа райы қолайсыздығына байланысты жол қозғалысы жабылды.

Қазіргі уақытта жабық жолдар:

Ақмола облысы бойынша:

23 наурызда сағат 12.00-де ауа райының нашарлауына байланысты Жезқазған - Петропавл тасжолының 377-440-шақырымдары учаскесі: Қостанай облысының шекарасы – Державинск қаласы бойынша көліктің барлық түріне қозғалыс шектелген.

Шығыс Қазақстан облысы бойынша:

2022 жылғы 23 наурызда сағат 19.50-де ауа райының нашарлауына байланысты Қарағанды ​​- Аягөз - Бұғаз тасжолының 707-941-шақырымы, Аягөз қаласы - Бұғаз ауылы учаскесінде көліктің барлық түріне қозғалыс шектелді.

Қарағанды ​​облысы бойынша:

2022 жылғы 22 наурызда сағат 7.30-да ауа райының нашарлауына байланысты Жезқазған - Петропавл тасжолының 142-252-шақырымы, Сарлық ауылы - Қостанай облысының шекарасы учаскесінде көліктің барлық түріне қозғалыс шектелді.

Қостанай облысы бойынша:

2022 жылғы 22 наурызда сағат 7.45-те Қарағанды ​​облысында ауа райының нашарлауына байланысты Жезқазған - Петропавл тасжолының 252-340-шақырымдары, Қарағанды ​​облысының шекарасы - Арқалық қаласы.

2022 жылғы 23 наурызда сағат 12.00-де Ақмола облысында ауа райының нашарлауына байланысты Жезқазған - Петропавл тасжолының 340-377-шақырымында: Арқалық қаласы - Ақмола облысының шекарасы учаскесінде көліктің барлық түріне қозғалыс шектелген.

«Ауа райының нашарлауына байланысты жоғары дайындық режимі сақталады. «ҚазАвтоЖол» қызметкерлері жолдардағы жағдайды тәулік бойы бақылап отыр. Жөндеу жұмыстары күшейтілген режимде жалғасып жатыр. Төтенше жағдай орын алса, 1403 қысқа нөміріне қоңырау шалыңыз», - деді баспасөз қызметі өкілдері.

Қолайсыз ауа райында жолды мұздан тазартуға 4 мың тоннаға жуық құм-тұз қоспасы жұмсалған.