Еліміздің алты өңірінде ауа райына байланысты ескерту жарияланды

Еліміздің алты өңірінде ауа райына байланысты ескерту жарияланды
сурет: 24.kz

Қатты жаңбыр жауып, екпінді жел соғады

4 тамызда еліміздің бірқатар өңірінде қатты жаңбыр жауып, екпінді жел соғады, деп хабарлайды Almaty-akshamy.kz «Қазгидромет» РМК-ға сілтеме жасап. 4 тамызда Түркістан облысының солтүстігінде, таулы аудандарында найзағай ойнап, дауыл тұрады. Жел солтүстік-батыстан соғады, күн күркірегенде желдің екпіні 15-20 м/с-қа жетеді. Күндіз Батыс Қазақстан облысында 35 градус аптап ыстық болуы ықтимал. Қызылорда облысының солтүстігінде, шығысында күн күркіреп, дауыл күтіледі. Жел солтүстіктен соғады, күндіз облыстың солтүстігінде желдің екпіні – 15-20 м/с. Облыстың басым бөлігінде төтенше өрт қаупі сақталады. Ұлытау облысының орталығында және оңтүстігінде найзағай ойнайды. Жел шығыстан соғады, найзағай кезінде екпіні 15-20 м/с-қа жетеді. Жезқазған қаласында таңертең және күндіз күн күркірейді. Жел шығыстан соғады, найзағай кезінде екпіні – 15 м/с. Қарағанды облысының орталығында, оңтүстігінде және шығысында күн күркірейді. Солтүстік-шығыстан, шығыстан жел соғады, найзағай кезінде екпіні 18-23 м/с-қа жетеді. Қарағанды қаласында кей уақытта найзағай ойнайды. Солтүстік-шығыстан, шығыстан жел соғады, найзағай кезінде екпіні –18 м/с. Күндіз Жетісу облысының таулы аудандарында қатты жаңбыр, найзағай күтіледі. Оңтүстік-батыстан жел соғады, найзағай кезінде екпіні 15-20 м/с-қа жетеді. Талдықорған қаласында найзағай ойнайды.