Елімізден рубль әкетпек болғандар қолға түсті
Қаржы көлемі 33 миллион рубль болған.
Қазақстаннан 33 миллион рубль қолма-қол ақша алып кетпек болғандар ұсталды, деп хабарлайды Almaty-akshamy.kz Tengrinews.kz-ке сілтеме жасап.
ҰҚК Шекара қызметінің Қостанай облысы бойынша департаментінің мәліметінше, 17 сәуірде "Қайрақ" автомобиль өткізу пунктінде қазақстандық азамат тізгіндеген Toyota Land Cruiser 200 автокөлігін тексеру іс-шаралары барысында 33 миллион рубль мөлшерінде 404 858 долларға тең ақшалай қаражат табылған.
"ҚР Президентінің 2022 жылғы 14 наурыздағы "Қазақстан Республикасының қаржылық тұрақтылығын қамтамасыз ету жөніндегі шаралар туралы" Жарлығына сәйкес, шетел валютасын, алтын құймалар мен монеталарды Қазақстан Республикасынан әкетуге тыйым салынды. Аталған факт бойынша құзыретті органдар хабардар етілді", - деп хабарлады ҰҚК ШҚ Қостанай облысы бойынша департаменті.
