Еліміздегі ойыншықтардың қауіпсіздік талабы қаншалықты сақталған?
Санитарлық-эпидемиологиялық қызметтің мамандары ай сайын ойыншықтардың қауіпсіздігіне мониторинг жүргізеді.
Денсаулық сақтау министрлігінің Санитарлық-эпидемиологиялық бақылау комитеті Қазақстанда сынақтан өткен ойыншықтардың 43%-дан астамы қауіпсіздік талаптарына сай емес екенін айтты, деп хабарлайды Almaty-akshamy.kz Elorda.info-ға сілтеме жасап.
Осылайша, 2022 жылдың 2 айында республика бойынша 397 үлгі іріктеліп, зерттелді, оның 173-і талаптарға сәйкес келмеді, бұл 43,5 пайызды құрады. Оның ішінде, отандық -1 (0,5 пайыз), ЕАЭО-ға мүше мемлекеттер - 16 (9,2 пайыз), басқа елдер - 156 (90,1 пайыз).
Негізінен, бұзушылықтардың ішінде таңбалауға қатысты 100 пайыз, органолептикалық көрсеткіштер бойынша 3,4 пайыз, санитарлық-химиялық көрсеткіштер бойынша 8 пайыз (ойыншықтың құрамында Қытай мен Өзбекстан Республикасында өндірілген ойыншықтарда фенол, формальдегид, бензол, метил спирті, гептан деңгейінің артуы анықталды), – делінген хабарламада.
