Елімізде жетім балаларға қамқоршы тағайындау рәсімі жеңілдейді

Елімізде  жетім балаларға қамқоршы тағайындау рәсімі жеңілдейді
Сурет: Inform.kz

Мемлекеттік қызмет 19 жұмыс күні ішінде көрсетіледі.

ҚР БҒМ отбасы және балалар саласында мемлекеттік қызмет көрсету ережелеріне өзгерістер дайындады, деп хабарлайды Almaty-akshamy.kz Egemen.kz сілтеме жасап. 

Атап айтқанда, егер кәмелетке толмаған балаға туыстарының немесе өгей әкесінің, өгей шешесінің арасынан дереу қорғаншы немесе қамқоршы тағайындау қажет болса, онда қорғаншы немесе қамқоршы органдар баланы психологиялық даярлықтан өткен сәттен бастап күнтізбелік бір жыл ішінде психологиялық даярлықтан өтпей-ақ қорғаншылықты немесе қамқоршылықты белгілей алатындығы туралы норма көзделген.

Тағайындалған қамқоршылар бір жыл ішінде білім басқармасына психологиялық дайындықтан өткені туралы сертификат беруі керек.

Өтінішті қабылдау және Мемлекеттік қызмет көрсету нәтижесін беру «Азаматтарға арналған үкімет» мемлекеттік корпорациясы мен egov.kz электрондық үкіметтің веб-порталы арқылы жүзеге асады.

Мемлекеттік қызмет 19 жұмыс күні ішінде көрсетіледі.

Құжат 15 шілдеге дейін Ашық НҚА сайтында орналастырылған.