Елімізде ашаршылық туралы фильмнің премьерасы 1-желтоқсанда болады

Режиссер Айсұлтан Сейітов өзінің «Қаш» дебюттік фильмінің трейлерін көрсетті.

Туындының сюжеті бойынша 30-жылдардағы Қазақ АССР-дегі ашаршылық кезінде қабір қазушы Исатай өз ауылын құтқару үшін жақын маңдағы қалаға қауіпті миссияға аттанады. Бірақ жолда оған ешқайда апармайтын жолды көрсететін кезбе адам жолығады. 

Фильмде басты рөлді Еркебұлан Дайыров сомдайтыны белгілі. Сондай-ақ көрермен эпизодтық рөлдерден ресейлік актерлер Варвар Шмыков пен Александр Пальді көретін болады, деп хабарлайды Almaty-akshamy.kz.

Фильмнің премьерасы 1 желтоқсанда болады деп күтілуде. 

Айсұлтан Сейітов – қазақстандық режиссер, клипмейкер. Нью-Йорк кино академиясында «режиссура» бағыты бойынша оқыған. Hype Production өндірістік компаниясымен ынтымақтасады. 21 Savage, J. Cole және Offset сияқты рэперлермен жұмыс істеген. Клипі үшін A Lot әні MTV Video Music Awards номинациясын алды. Ол сонымен қатар рэп әртісі Kanye West-тің жаңа альбомының режиссері болды. 

Айсұлтан фильм түсіретінін 2021 жылдың желтоқсанында айтқан болатын. Қаңтар айында Қазақстанда тәртіпсіздіктер басталған кезде режиссер Отанына оралып, өзінің шығармашылық жолын осында жалғастыруды жоспарлап отырғанын мәлімдеген еді.