Екі боксшы қызымыз Азия чемпионатының финалына шықты
Финал 25 қаңтар күні Астана уақытымен 13:00-де басталады.
Таиланд астанасы Бангкок қаласында өтіп жатқан 22 жасқа дейінгі жастар арасында бокстан Азия чемпионатының финалына Қазақстан қыздар құрамасынан екі боксшы шықты, деп хабарлайды Almaty-akshamy.kz ҚазАқпаратқа сілтеме жасап.
Олар 70 келіде Жасмин Кизатова және 81 келіде Гүлсая Ержан.
Жасминнің қарсыласы — өзбекстандық Азиза Зорикова болса, Гүлсаянікі - таиландық Порнипа Чути.
Финал 25 қаңтар күні Астана уақытымен 13:00-де басталады.
Еске сала кетейік, құрлықтық доданың финалына еліміздің ерлер құрамасынан алты боксшы шықты.
Олардың қатарында Санжар Ташкенбай (48 келі), Нұрсұлтан Алтынбек (54 келі), Махмуд Сабырхан (57 келі), Абзал Серік (67 келі), Сабыржан Аққалыков (71 келі) және Диас Молжігітов (75 келі) бар.
Финалда қазақстандық төрт боксшы өзбекстандық былғары қолғап шеберлерімен қолғап түйістіреді.
