Диабеттен арылудың жаңа тәсілі белгілі болды
Қартаюды тежеуге болады
Адамның май тініндегі ескі дисфункциялық жасушаларды жою 2 типті қант диабетінің белгілерін азайтады. Коннектикут университеті мамандарының Cell Metabolism журналында жариялаған зерттеу нәтижелері әртүрлі метаболикалық ауруларды емдеудің жаңа әдістерін жасауға көмектеседі. Ғылыми жұмыс туралы қысқаша MedicalXpress-тегі баспасөз хабарламасында сипатталған, деп хабарлайды Almaty-akshamy.kz тілшісі Lenta.ru-ға сілтеме жасап.
Ағзадағы жасушалар (клеткалар) үнемі жаңарып отырады, алайда бұл мехнизм кейде сәтсіздікке ұшырайды. Нәтижесінде тіндерде қартаюшы немесе сенесцентті жасушалар жиналып, дефектті сигналды молекулалар бөліп, өзінің айналасына әсер етеді. Соның салдарынан оны қоршап тұрған клеткалар қоректік заттарды, мысалы, қантты нашар сіңіріп, диабетке дейінгі жағдайды тудырады.
Ғалымдар тәжірибелік препараттар: дазатиниб пен кверцитин комбинациясын жасап, сынақтан өткізіп көрді. Дазатинб пен кверцитиннің кәрі тышқандардың өмір сүру ұзақтығын арттырып, денсаулықтарын жақсартатыны дәлелденген. Алынған мәліметтерге сәйкес, бұл препараттар адамның май тініндегі қартаюші жасушалармен күресе алады. Майлы тін клеткалары тышқандарға да енгізілген, алайда оларда метболизмдік бұзылыстар туындаған. Бірақ оларды дезатиниб және кверцитинмен емдегеннен кейінмайлы тіннің зиянды әсері жойылған.
Зерттеушілер сонымен қатар циклинге тәуелді киназа ингибиторы және жасушалық қартаюдың негізгі маркерлерінің бірі болып табылатын p21 жоғары деңгейін білдіретін қартаю жасушаларының бұрын зерттелмеген популяциясын талдады. Қартаю жасушаларын айына бір рет тазарту қант диабетінің дамуын бәсеңдету үшін де, семіз тышқандарда пайда болған диабет белгілерін жеңілдету үшін де тиімді екендігі анықталды.
