Демалыс күндері қандай ауа райы күтіледі?
Күн райына солтүстік-батыс антициклоны әсер етпек.
Оның себебінен алдағы тәулікте Қазақстанның солтүстік өңірлерінің тұрғындарын температураның біртіндеп төмендеуі күтуде, деп хабарлайды Almaty-akshamy.kz.
Оның жотасы республиканың барлық аумағында таралса да, батыста ыстық ауа райы сақтала бермек. Сонымен қатар ол фронтальді бөлімдерді республиканың орталық, шығыс және оңтүстік-шығыс аймақтарына ауыстырады, солайша жаңбыр жауады, күн күркірейді, бұршақ жаууы және қатты жел болуы мүмкін.
Ауа температурасының біртіндеп төмендеуі келесідей болмақ: республиканың солтүстігінде түнде +10 +18°С-тан +5 +10°С-қа дейін, күндіз +23 +30°С-тан 18 +23°С-қа дейін. Ауа температурасының негізгі аясы күндіз батыста +32 +40°С, солтүстік-батыста +28 +38°С, орталықта +22 +33°С, шығыста +20 +28°С, оңтүстікте +32 +42°С, елдің оңтүстік-шығысында күндіз +22 +32°С-тан +25 +35°С-қа дейін.
