Қазақстанда жолаушылардың автокөлік қызметін пайдалануы азайып кеткен

Бұл қызметке жүгінетіндер саны екінші жыл қатарынан қысқарып, көрсеткіш минус 17%-ды құраған.

Трафиктің қысқаруына қарамастан, компанияның кірісі 24%-ға өскен, деп хабарлайды Almaty-akshamy.kz Еnergyprom.kz сайтына сілтеме жасап.

2021 жылғы қаңтар-қарашада республика бойынша автомобиль және қалалық электр көлігімен 6,6 млрд адам тасымалданды, бұл бір жыл бұрынғыдан 17,1%-ға аз. 2020 жылғы «корона дағдарысында» бұл көрсеткіш 8 миллиард адамды құрады.

Өңірлік тұрғыдан алғанда,  Алматыда жолаушылар көп қатынайды: 1,8 млрд адам немесе Қазақстан Республикасының 27,8%-ы. Үздік үштікке Қостанай мен Павлодар облыстары да кірді. Ең аз жолаушылар тасымалы Маңғыстау облысында.

2021 жылдың он бір айында Қазақстан Республикасындағы жолаушылар тасымалының үштен екісі автобустарға тиесілі болды: 4,4 млрд адам – бір жыл бұрынғыдан 21,1%-ға аз. Қазақстандықтар арасында такси қызметі де танымал: 2,2 млрд адам, жылына минус 8,5%.

25,5 миллион адам трамваймен, 24,8 миллион адам троллейбуспен тасымалданды.

3 млрд тоннадай жүк тасымалданды, бұл бір жыл бұрынғыдан 0,4%-ға аз. Жүк айналымы 2%-ға төмендеп, 141,8 млрд ткм құрады.

2021 жылдың қаңтар-қараша айларында кәсіпорындардың кірісі бір жылда 23,9%-ға өсіп, 275,1 млрд теңгені құрады. Оның ішінде жүк тасымалдаудан түскен табыс 190,7 млрд теңге, жолаушы тасымалдаудан түскен қаржы көлемі 84,4 млрд теңгені құрады.

Автобустармен тасымалдаудан 74,2 млрд теңге, такси қызметінен 3,9 млрд теңге, трамваймен тасымалдаудан 1,6 млрд теңге, троллейбуспен тасымалдаудан 1,5 млрд теңге кіріс түсті.

Бүгінге дейін әкімдіктердің жедел мәліметтері бойынша, еліміздің 8 облысында 53 мемлекеттік нысан және 151 ШОБ нысанына зиян келтірілді, деп хабарланды Қазақстан Республикасы Премьер-Министрінің ресми ресурсында.

Көлік секторының жұмысына келетін болсақ, барлық өңірлерде қалалық автобус тасымалы толығымен қалпына келтірілді. Республикалық маңызы бар жолдарда автокөліктердің қозғалысына шектеулер жоқ.