Бір тәулікте 9 418 алматылық екпе салдырды
Осы уақытқа дейін екпе салдырған қала тұрғындарының саны 558 104 адамға жеткен.
Бұл туралы ақпарат таратқан қалалық қоғамдық денсаулық сақтау басқармасының мәліметінше, Алматы қаласында бір тәулікте 9 418 адам коронавирусқа қарсы вакцина салдырды, деп хабарлайды Almaty-akshamy.kz
«11 шілде күні 9 418 алматылық вакцина салдырды. Биылғы жылдың 1 ақпаны мен 11 шілде аралығында қалада барлығы 558 104 адам вакцина салдырды. Вакцина алғандардың ішінде 60 жастан асқан қариялардың үлесі - 90 263 адам», - деп хабарлады басқармадан.
Қалада 212 пункт жұмыс істеп тұр. 1 260 адамнан тұратын 308 егу бригадасы бар. Сонымен қатар, 40 көшпелі мобильді бригада ұйымдастырылған.
«Қазір медициналық ұйымдарда, мектептерде, мәдениет, спорт объектілерінде, базарлар мен қаланың СОСО-да вакциналау пункті жұмыс істейді» - деп нақтылады денсаулық сақтау басқармасының баспасөз қызметі.
