Бүгін тоғыз қалада ауа сапасы нашарлайды
8 қазанда Қазақстанның көптеген қалаларында қолайлы метеорологиялық жағдай сақталады, деп хабарлайды Almaty-akshamy.kz Inform.kz-ке сілтеме жасап.
«Қазгидромет» РМК баспасөз қызметі таратқан мәліметке сенсек, 8 қазан, сенбі күні еліміздегі қалалардың басым көпшілігінде метеорологиялық ахуал бірқалыпты болады.
Тек Астана, Алматы, Атырау, Балқаш, Қарағанды, Теміртау, Өскемен, Семей және Риддер қалаларында ауа сапасы біршама нашарлайды.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
