Бүгін тоғыз қалада ауа сапасы бұзылады
24 наурыз күні Қазақстан аумағының басым бөлігінде қолайлы метеорологиялық жағдай сақталады, деп хабарлайды Almaty-akshamy.kz.
«Қазгидромет» РМК баспасөз қызметі таратқан мәліметке сенсек, 24 наурыз, жұмада еліміздегі қалалардың басым көпшілігінде метеорологиялық ахуал бірқалыпты болады.
Тек Қарағанды, Теміртау, Өскемен, Семей, Риддер, Ақтөбе, Шымкент, АстанажәнеАлматы қалаларында ауа сапасы біршама нашарлайды.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
