Бүгін футболдан ел біріншілігінің 15-туры өтеді

Бүгін футболдан ел біріншілігінің 15-туры өтеді
Сурет: Egemen.kz

Бүгін, 25 маусымда футболдан Премьер-лига командалары арасындағы Қазақстан біріншілігінің он бесінші туры басталады, деп хабарлайды Almaty-akshamy.kz Inform.kz-ке сілтеме жасап.

Он бесінші тур ойындары 25 және 26 маусым күндеріне белгіленген. 25 маусымда екі, 26 маусымда бес ойын өткізіледі. 25 маусымда 19:00-де «Ақжайық» (Орал) пен «Ордабасы» (Шымкент) кездессе, 21:00-де «Ақсу» (Павлодар облысы) мен «Шахтёр» (Қарағанды) шеберлік байқасады. Ал 26 маусымда 17:00-де «Қызылжар» (Петропавл) мен «Тобыл» (Қостанай), 19:00-де «Каспий» (Ақтау) мен «Тұран» (Түркістан) ойнаса, «Тараз» бен «Қайрат» (Алматы) ойнаса, 21:00-де «Ақтөбе» мен «Астана» (Нұр-Сұлтан), «Мақтарал» (Түркістан облысы) мен «Атырау» командалары кездеседі.