Бүгін 4%-тік автонесие беру басталады
Несие беруді екінші деңгейдегі банктер жүзеге асыратын болады.
16 мамырдан бастап Қазақстан банктері жеңілдетілген автонесие бере бастайды, деп хабарлайды Almaty-akshamy.kz
Жеңілдетілген несие бағдарламасы бойынша қаржыландырудың жалпы сомасы шамамен 100 млрд теңге, өңірлердегі автобус паркін жаңартуға шамамен 30 млрд теңге бөлінеді.
Индустрия және инфрақұрылымдық даму министрлігінің мәліметіне сүйенсек, несие шарты төмендегіше:
сыйақы мөлшерлемесі 4%;
несие сомасы 10 млн теңгеден аспауы керек;
қаржыландыру мерзімі жеті жылдан аспайды;
бастапқы жарна 0%-дан бастап;
көлік құны 15 млн теңгеден аспайды.
