БҚО-да республикалық жолды су шайып кетті

БҚО-да республикалық жолды су шайып кетті
Сурет: Ашық дереккөз

Орал қаласында төтенше жағдай жарияланды

Батыс Қазақстан облысында республикалық жолды су шайып кетті, деп хабарлайды Almaty-akshamy.kz.

«ҚазАвтоЖол» АҚ БҚО филиалының мәліметі бойынша 13 наурыз күні жергілікті сағат 18.20-дан бастап республикалық маңызы бар Подстепный-Теректі-РФ шекарасы автожолында (97-131 км, Бөрлі ауылынан Ақсай қаласына дейін) барлық көлік түрлері үшін қозғалыс шектелді.

Жабылу себебі – тасқын су жолды шайып кеткен.

Осыған байланысты БҚО ТЖ департаменті ескерту жариялап, мекеме-ұйымдарға хабарландыру жіберді.

Еске сала кетейік, бұдан бұрын Батыс Қазақстан облысындағы Бөрлі ауданында төтенше жағдай жарияланғанын жазған болатынбыз.

Сондай-ақ Орал қаласында төтенше жағдай жарияланды.

Кейін БҚО-ның тағы бір ауданында төтенше жағдай жарияланды.

Бүгін кешқұрым Батыс Қазақстан облысы Бөрлі ауданы Ақбұлақ ауылына тасқын су кіріп, 44 адам эвакуацияланды.