Бизнеске қойылатын талаптардың 40%-ы жаңа тәсілдерге сәйкес келмейді - ҚР Премьер-Министрі
Мұндай пікірді Үкімет басшысы Әлихан Смайылов келтірді.
Ол бизнеске қойылатын талаптардың ескіргенін алға тартты, деп хабарлайды Almaty-akshamy.kz ҚазАқпаратқа сілтеме жасап.
«Мемлекет басшысы бизнеске қойылатын талаптарды азайту үшін бұл саланы реттеу жүйесін қайта қарауды тапсырған болатын.
Қазіргі кезде мұндай талаптардың 40%-ы жаңа тәсілдерге сәйкес келмейді. Сондықтан, оларды тоқтату керек. Қажетті шешімдер қабылданды. Тиісті заңға қол қойылды. Енді оны іске асыру қажет», - деген Үкімет басшысы бизнес шамадан тыс әкімшілік жүктеменің азайғанын сезіне бастауы керек екенін ескертті.
«Ол үшін міндетті талаптар реестрін жасауымыз керек. Реттеу жүйесін өзгерту бизнес саласын тиімді реформалауға және оны дамытуға жаңа серпін береді», - деді Әлихан Смайылов.
Аталмыш мәселе бойынша Премьер-Министр бірнеше тапсырма берді.
